АЙТА-АЙТА АЛТАЙДЫ...

Өткен сенбі күні Семейде тағы бір отбасы қара жамылды. Интернационал көшесінің бойында жаяу жүргіншілер жолағында «Hyundai Accent» автокөлігі №37 мектеп – гимназиясының 5 сынып оқушысын қағып кетті.Семей қаласы ІІБ-ның баспасөз қызметінің жетекшісі Елубек Оспановтың айтуынша, оқиға салдарынан қаршадай қыз жедел жәрдем жеткенше көз жұмған. Жол – көлік оқиғасы сотқа дейінгі бірыңғай тіркеудің тізіліміне тіркелді. ҚР ҚК-нің 345-бабы 3-тармағы бойынша (Адам өліміне ұласқан жолда жүру ережесін бұзғаны үшін) қылмыстық іс қозғалды. Қазір сотқа дейінгі тергеу амалдары жүргізілуде. 

Осы жерде «Қалада қашан балалардың қауіпсіздігі қамтамасыз етіледі?» деген сауал туындайы. Оқушылардың қатысуымен орын алатын қайғылы оқиғалардың алдын алу үшін үш жыл бұрын Семейде жол үсті өткелін салу қарастырылған-ды. Мұндай жол үсті өткелін салу Интернационал көшесінде, №6 мектеп – гимназиясының алдынан, «Орталық алаң» аялдамасы жанынан басталып еді. Иә, басталып еді... Тоқтап тұр. Қазір темір қаңқасы ғана қалқайып тұр. Жоба бойынша, жол үсті өткелі шыныдан салынып, мүмкіндігі шектеулі жандарға арналған жеделсатысы да болады дегенде қуанып қалып едік. Қайдам, қолданысқа беру мерзімі бірнеше мәрте кейінге шегерілді. Өткен жылы жобаны аяқтау басы ашық мәселе күйінде қалды. Семей қаласының жолаушылар көлігі және автокөлік жолдары бөлімінің ақпаратына сүйенсек, өткен жылы жобаны аяқтауға қаржы бөлінбеген. Жоба құны 69 млн. теңге. Мердігер мекеме «ИнтерМастер» ЖШС бөлінген 27 млн. теңгенің жұмысын атқарып, қаржы түгесілгеннен кейін, жұмысты тоқтатқан. Шыны керек, қазір темір қаңқа шаһар орталығының сәнін кетіріп-ақ тұр. Былтырғы жылдың шілде айында өткен кезекті баспасөз мәслихатында тұрғын – үй коммуналдық шаруашылығы бөлімі басшысының міндетін атқарушы қызметкер жол үсті өткелі жобасының құны тым қымбат екенін айтып, қаржысын қайта қарау жағына тоқталған еді. Биыл қала бюджетінен жобаны аяқтауға 37 млн. теңге бөлініпті... Енді қалғаны уақыт еншісінде.

Мұндай жол үсті өткелін медицина университеті мен № 37 мектеп – гимназиясы аумағында тұрғызу жайлы да ұсыныс көптен бері айтылып келеді. Әй, бірақ бір жобаны 3 жылға созып, аяқтай алмай жүрген жергілікті биліктен қалғанын сұрағаннан не қайыр... 

Е. ЖАНАТҰЛЫ. 

Пікір   

0 #4 Quick Loans 17.10.2018 13:15
credit loans guaranteed approval 500 payday loans online installment loans direct lenders bad credit loans guaranteed approval
0 #3 Cash Loan 11.10.2018 20:14
credit loans guaranteed approval poor credit loans poor credit loans poor credit loans guaranteed approval
0 #2 Quick Loan 10.10.2018 00:36
poor credit loans credit loans guaranteed approval no credit loans credit loans guaranteed approval
0 #1 NagBaivaalify 07.10.2018 04:31
casino play free online casino best online casino online casino games | https://onlinecasinoplay.us.org/ - free casino games no download https://onlinecasinoplay.us.org/ - slots for real money

Пікір қосу


Қорғау коды
Жаңарту

Меншік иесі: «Семей таңы – Вести Семей газеттері» ЖШС

Техникалық директор:Қайрат Жолобаев

Бас редактор: Ерзат Жанатұлы

           

Ескерту! Кез келген

материалды көшіру және жариялау

үшін редакцияның арнайы

рұқсатын алу қажет!

 

Телефон: 8-775-746-46-70,

8-707-372-57-00

Кеңсе тел.: 8-7222-52-36-57